தியாகிகளுக்கு வாழ்த்து

ஜோஸ் மரியா சிசன் (பிலிப்பைன்ஸ்)
தமிழில் : அ.ஜ. கான்
நன்றி : Third World Calling

 

சொர்க்கங்களடைய வாழ்த்துகிறோம்
எப்போதும் எல்லா காலத்திலும்
எதிரியின் கையில்
மரணிக்கும் அனைத்து வீரர்களும்

போர்க்களத்தில்
சித்ரவதைக் கூடங்களில்
சிறைகளில்
ரத்தம் சிதறும் இவ்விடங்களில்
போராட்டம் மிகவும் துல்லியமானது
வீரனின் வாழ்வு அர்த்தம் பெறுகிறது
சோதனைக் காலங்களில்
தைரியமான இறுதி மூச்சுவரை
மரணத்திற்கு அப்பாலும்
தியாகிகளின் வாழ்வு உயிர்ப்பிக்கப்படுகிறது.